இந்த வாரம் இப்படித்தான் :  நட்சத்திர பலன்கள் - எந்தக் கிழமையில் என்னென்ன பலன்கள் -  (அஸ்வினி முதல் மிருகசீரிடம் வரை - நவம்பர் - 4 முதல் 10 வரை).

ஜோதிடர் ஜெயம் சரவணன்

வாசகர்கள் அனைவருக்கும் வணக்கம். நட்சத்திர வாரபலன்களில் "பொதுப் பலன் என்னும் பகுதியில் நான் குறிப்பிடும் கிழமைகளின் பயன்பாடு என்பது மிக முக்கியமானது" என்பதை அறிவீர்களா?
இது "தார பலம்" என்பதாகும்.
இந்த தாரபலமானது மனித வாழ்க்கையின் நடைமுறைக்கு கூடுதல் பலம் சேர்க்கும் என்பது நிதர்சனமான உண்மை. பலன்களை நீங்கள் அனுபவிக்கும் போது தான் அதன் மகிமை பற்றி தெரிந்து கொள்வீர்கள்.

நான் குறிப்பிடும் கிழமைகளை சரியாகப் பயன்படுத்தி வெற்றிகளை குவித்திடுங்கள். வாழ்த்துக்கள் .நன்றி.

அஸ்வினி -
இந்த வாரம் சிறப்பான வாரம் . தயக்கங்கள் அகன்று புதிய உத்வேகத்துடன் செயல்படுவீர்கள்.செய்கின்ற செயல் அனைத்தும் வேகமெடுக்கும். வெற்றி பெறும் . வருமானம் பெருகும். ஆன்மிகப் பயணம் ஏற்படும். உறவினர்கள் வருகை நிகழும். மாமன் வகை உறவுகளில் ஏற்பட்டிருந்த பகைமை மறையும். தாய்வழி உறவுகளுக்கு உதவி செய்வீர்கள்.

உத்தியோகம் -

உத்தியோகத்தில் மனநிறைவு உண்டாகும். பதவி உயர்வு கிடைக்கும். எதிர்பார்த்திருந்த ஊதிய உயர்வு இந்த வாரம் கிடைக்கும். எதிர்பார்த்த வெளிநாட்டு வேலை கிடைக்கும்.
தொழில் -

தொழிலில் வளர்ச்சி ஏற்படும். ஒப்பந்தங்கள் கிடைக்கும். தேங்கிக்கிடந்த பொருட்களெல்லாம் விற்பனையாகும். புதிய தொழில் தொடங்கும் சிந்தனை முழு வடிவம் பெறும். மொத்த வியாபாரிகள் அதிக லாபம் பெறுவார்கள். வியாபார நிறுவனங்களுக்கு வளர்ச்சிக்கான வழி வகைகள் அனைத்தும் கிடைக்கும்.
பெண்களுக்கு -

குடும்பத்தில் மகிழ்ச்சி நிலவும். திருமணம் உறுதியாகும். குழந்தை பாக்கியம் கிடைப்பதற்கான வாய்ப்புகள் உண்டு. சொத்து சேர்க்கை ஏற்படும். சகோதர வழியில் இருந்த வருத்தங்கள் மறையும். வேலை இல்லாதவர்களுக்கு வேலை கிடைக்கும்.
மாணவர்களுக்கு -

கல்வியில் முன்னேற்றம் உண்டு. அயல்நாட்டு கல்வி தொடர்பான உதவிகள் கிடைக்கும். தேர்வுகளில் அதிக மதிப்பெண் பெறுவீர்கள்.
கலைஞர்களுக்கு -

வாய்ப்புகள் பலவாறாக வரும். ஒப்பந்தங்கள் ஏற்படும். வருமானம் பெருகும். சொத்துக்கள் வாங்க முற்படுவீர்கள்.
பொதுபலன் -

சொந்த வீடு கனவு நனவாகும். வாடகை வீட்டில் இருப்போர் குடியிருக்கும் வீட்டையே வாங்கும் பாக்கியம் உண்டாகும். தொல்லை தந்த எதிரிகள் விலகிப் போவார்கள். பூர்வீகச் சொத்து சம்பந்தமான பிரச்சினைகள் எளிதாக தீரும். உங்களுக்கு உண்டான பங்கு நிறைவாக கிடைக்கும்.
இந்த வாரம் -
திங்கள் - பணவரவு உண்டு. ஆரோக்கியம் மேம்படும்.
செவ்வாய்- நீங்கள் செய்யும் காரியங்கள் உங்களுக்கு ஆதாயம் இருக்காது. உங்களால் மற்றவர்கள் ஆதாயமடைவார்கள்.
புதன் - முடியாத காரியங்கள் அனைத்தும் முடியும். நீண்ட நாளாக இழுபறியாக இருந்த பிரச்சினை முடிவுக்கு வரும்.
வியாழன் - கடன்கள் ஏதும் இருந்தால் நெருக்கடிகள் உண்டாகும். மனதில் இனம் புரியாத வேதனை உண்டாகும்.
வெள்ளி - எதிர்பார்த்த பணம் கிடைக்கும். எதிர்பாராத உதவிகள் கிடைக்கும்.
சனி- புதிய நண்பர்கள் அறிமுகமாவார்கள், அவர்களால் உதவிகளும் ஆதாயங்கள் கிடைக்கும். பயணங்கள் உண்டாகும், பயணங்களால் லாபம் கிடைத்து மனம் மகிழும். சுபச் செய்தி வரும்.
ஞாயிறு - குழப்பங்கள் இருக்கும். ஆனாலும் ஒரு சில விஷயங்கள் உங்களுக்கு நன்மை தரும். சிரமத்தின் பேரில் ஆதாயம் கிடைக்கும்.
வணங்க வேண்டிய தெய்வம் - ஸ்ரீவெங்கடேச பெருமாளுக்கு துளசி மாலை சாத்தி, ஏழு நெய் தீபம் ஏற்றி வழிபடுங்கள். அனைத்து நன்மைகளும் நடக்கும்.
************************************************
பரணி -
கிடைக்கின்ற வாய்ப்புகள் அனைத்தும் ஆதாயம் கிடைக்க கூடியதாகவே இருக்கும். வாய்ப்புகள் பலவாறாக வரும். எடுத்த காரியங்கள் அனைத்தும் வெற்றியாகும். கடன்கள் தீர வழி வகை கிடைக்கும். தடைபட்டிருந்த அல்லது தாமதமாகிக் கொண்டிருந்த வங்கிக் கடன் கிடைக்கும். தொல்லை தந்த ஆரோக்கியம் சம்பந்தமான பிரச்சினைகள் முற்றிலுமாக நீங்கும்.
உத்தியோகம் -

வேலையில் பெரிய பிரச்சினைகள் ஏதும் இருக்காது. வேலையில் நிம்மதி இருக்கும். குறிப்பிட்ட நேரத்தில் முடித்து நல்ல பெயர் வாங்குவீர்கள். எதிர்பார்த்த இடமாற்றம் இப்போது கிடைக்கும். சொந்த ஊருக்கு வேலை மாற்றம் எதிர்பார்த்தவர்களுக்கு இப்போது சாதகமான தகவல் வந்து சேரும். வணிக நிறுவனங்களில் பணிபுரிபவர்களுக்கு பதவி உயர்வு கிடைக்கும். ஒரு சிலருக்கு ஊதிய உயர்வு கிடைக்கும். சிறந்த பணியாளர் என்ற பெருமை கிடைக்கும். வேலை இல்லாதவர்களுக்கு நல்ல வேலை கிடைக்கும்.
தொழில் - தொழில் வளர்ச்சி பாதையை நோக்கிச் செல்லும். தடைகள் அகலும். வழக்குகள் ஏதும் நடந்து கொண்டிருந்தால் வழக்குகள் உங்களுக்கு சாதகமாகும். அரசு வழி நெருக்கடிகள் தீரும். அரசின் உதவிகள் ஒரு சிலருக்கு கிடைக்கும். சொந்த தொழில் முயற்சி இப்பொழுது வெற்றி பெறும். அயல்நாட்டில் இருந்து ஒரு மிகப்பெரிய உதவி கிடைக்கும்.

பெண்களுக்கு -

சொத்துக்கள் சேரும். ஆபரணங்கள் வாங்குவீர்கள். பணியில் இருப்பவர்களுக்கு பதவி உயர்வு கிடைக்கும். கூடுதல் பொறுப்புகள் வழங்கப்படும். திருமணமாகாத பெண்களுக்கு திருமணம் உறுதியாகும். பிரிந்த தம்பதியினர் இப்பொழுது ஒன்றுசேர்வார்கள்.

மாணவர்களுக்கு -

கல்வியில் நல்ல முன்னேற்றம் ஏற்படும். தேர்வுகளில் அதிக மதிப்பெண்கள் கிடைக்கும். பயிற்சி வகுப்புகளில் சேர முன்வருவீர்கள்.
கலைஞர்களுக்கு - கவலைகள் எல்லாம் மறையும். அயல்நாடுகளுக்குச் சென்று உங்கள் துறை சார்ந்த நிகழ்ச்சிகள் நடத்த வாய்ப்புகள் கிடைக்கும். ஒப்பந்தங்கள் உண்டாகும். பணவரவு மனநிறைவைத் தரும்.
பொதுப்பலன் -

நீண்ட நாள் கனவு இப்பொழுது நனவாகும். அது சொந்த வீடாக இருக்கலாம் அல்லது தாமதப்பட்டு கொண்டிருந்த திருமணம் போன்ற சுப நிகழ்ச்சியாக இருக்கலாம். ஒரு சிலர் குழந்தைகளின் பெயரில் முதலீடுகள் செய்வீர்கள். நீண்ட நாட்களாக இழுபறியாக இருந்த இன்சூரன்ஸ் போன்ற தொகைகள் இப்போது கைக்கு வந்து சேரும்.
இந்த வாரம் -
திங்கள் - பயணங்களைத் தவிர்க்க வேண்டும். பேச்சுவார்த்தையில் ஈடுபடக் கூடாது. மற்றவர்கள் விஷயத்தில் தலையிடக் கூடாது.
செவ்வாய் -சொத்து சம்பந்தமான பிரச்சினைகள் தீரும். வியாபார விஷயமாக லாபம் கிடைக்கும். முயற்சிகள் அனைத்தும் வெற்றி பெறும்.
புதன் - எடுக்கின்ற முயற்சிகள் அனைத்தும் மற்றவர்களுக்குத்தான் ஆதாயம் கிடைக்கும். உங்களுக்கு ஒரு பலனும் இருக்காது. எனவே அடுத்த நாளுக்கு தள்ளிப்போடுங்கள்.
வியாழன் -எடுக்கின்ற முயற்சிகள் மட்டுமல்ல எடுக்காத முயற்சிகளில் கூட வெற்றி பெறுவீர்கள். ஆரோக்கியம் மேம்படும். பணவரவு சரளமாக இருக்கும்.
வெள்ளி - சாதாரணமான நாள். பேசுகின்ற பேச்சுக்கள் கூட உங்களுக்கு எதிராகத் திரும்பும். ஏதோ ஒரு விஷயம் மனதை பிசைந்து கொண்டிருக்கும். தியானம் செய்வது நல்லது.
சனி -பலவித நன்மைகள் நடைபெறும். உதவிகள் கிடைக்கும். வெளி நபர் ஒருவரால் ஆதாயம் கிடைக்கும்.
ஞாயிறு - எதிர்பாராத பலவித நன்மைகள் நடைபெறும். சிறிய முயற்சியும் பெரிய வெற்றியை ஏற்படுத்தி தரும். முகம் தெரியாத நபர் கூட உங்களுக்கு உதவுவார்.
வணங்க வேண்டிய தெய்வம் - ஸ்ரீவிஷ்ணு துர்கைக்கு செவ்வரளி மலர் மாலை சூட்டி ஆறு தீபங்கள் ஏற்றி வழிபடுங்கள். நன்மைகள் பெருகும். ஆதாயம் அதிகரிக்கும்.
***************************************************
கார்த்திகை -
இழுபறியாக இருந்த விஷயங்கள் நல்ல முடிவுக்கு வரும். மனதில் தேவையற்ற பயம் இருக்கும். ஆரோக்கிய அச்சுறுத்தல் ஏற்படும். வாகனப் பழுது ஏற்படும். வீட்டில் பராமரிப்புச் செலவுகள் கூடும். அலைச்சல் அதிகரிக்கும். வழக்குகள் தள்ளிப்போகும். வழக்கு செலவுகள் அதிகரிக்கும்.
உத்தியோகம் - வேலையில் கூடுதல் பொறுப்புகளும் அதனால் சில அழுத்தங்களும் ஏற்படும். அடுத்தவர் வேலையும் சேர்த்துப் பார்க்க வேண்டியது வரும். அலுவலக நேரம் கடந்தும் வேலை செய்ய வேண்டியது வரும். வணிக நிறுவனங்கள் வியாபாரக் கடைகளில் பணிபுரிபவர்கள் அதிக அழுத்தத்திற்கு ஆளாவார்கள். வேலைப்பளு கூடும். எவ்வளவு செய்தாலும் நல்ல பெயர் கிடைக்காது.
தொழில் - தொழிலில் திடீர் என புதிய எதிரிகள் வருவார்கள். ஆனால் அவர்களை மிக எளிதாக சமாளித்து விடுவீர்கள். தேவையற்ற வழக்குகளைப் போடுவார்கள். அந்த வழக்குகள் அனைத்தும் தோற்றுப்போகும்.
ஊழியர்களின் நலனுக்காக சில செலவுகளை ஏற்றுக் கொள்வீர்கள். மொத்த வியாபாரிகள் மனசஞ்சலத்திற்கு ஆளாவார்கள்.
பெண்களுக்கு - செலவுகள் அதிகமாகும். வீட்டு உபயோகப் பொருட்கள் புதிதாக வாங்குவீர்கள். தேவையற்ற பொருட்களை வீட்டிலிருந்து அகற்றுவீர்கள். எதிர்பார்த்த உதவிகள் தாமதமாகும்.
மாணவர்களுக்கு - கல்வியில் முன்னேற்றம் உண்டு தேர்வுகள் ஏதும் எழுதி இருந்தால் எதிர்பார்த்த மதிப்பெண்கள் குறைவதற்கு வாய்ப்பு உண்டு.
கலைஞர்களுக்கு - நண்பர்களால் ஆதாயம் உண்டு. ஒரு சில நண்பர்களால் செலவும் உண்டு. கிடைக்கின்ற வாய்ப்புகளை நல்லதாகப் பார்த்து தேர்ந்தெடுத்துக் கொள்ளுங்கள்.
பொதுப்பலன் - மனப் பிரச்சினைகள் இருந்தாலும் அதையெல்லாம் தைரியமாக எதிர்கொள்வீர்கள். உங்களிடம் இருந்த தேவையற்ற விஷயங்களை அல்லது தேவையற்ற பழக்கங்களை கைவிடுங்கள்.

இந்த வாரம்
திங்கள் - பணவரவு இருக்கும். முயற்சிகள் வெற்றியாகும். வங்கிக் கடன் பெறுவதற்கு மனு செய்யலாம்.
செவ்வாய் - பயணங்களைத் தவிர்க்க வேண்டும் முயற்சிகளையும் தள்ளிப்போட வேண்டும். வீண் விவாதங்களில் ஈடுபடக் கூடாது. அடுத்தவர் விஷயங்களில் தலையிடக் கூடாது
புதன் - வியாபார விஷயங்கள் வெற்றியாகும். தரகு சம்பந்தமான விஷயங்கள் சாதகமாகும். வீடு பூமி போன்றவற்றில் ஆதாயம் உண்டு. ஆரோக்கியம் சீராகும்.
வியாழன் - எடுக்கின்ற முயற்சிகள் அனைத்தும் பிறருக்கு நன்மையாக இருக்கும். உங்கள் நண்பர்களுக்கு உதவுவீர்கள். எடுத்த காரியம் தள்ளிப்போகும்.
வெள்ளி - உற்றார் உறவினர் அக்கம்பக்கத்தினர் என அனைவரிடமும் சுமுகமாக உறவுகள் நீடிக்கும். இவர்களால் ஆதாயம் கிடைக்கும். பணவரவில் இருந்த தடை நீங்கும்.
சனி - நீங்கள் எதைச் செய்தாலும் அது மற்றவர்களுக்கு எரிச்சல் ஊட்டுவதாக இருக்கும். பயணங்களில் கூட நிம்மதி இருக்காது. வாகனப் பழுது ஏற்படும்.
ஞாயிறு - அநேக உதவிகள் கிடைக்கும். தனவரவு திருப்தி தரும். பயணங்களால் லாபம் உண்டு. நீண்ட நாள் தாமதமாகிக் கொண்டிருந்த ஒரு விஷயம் நல்ல முடிவுக்கு வரும்.
வணங்க வேண்டிய தெய்வம் - நவக்கிரகத்தில் இருக்கும் சூரியபகவானுக்கு செந்நிற ஆடை சாற்றி செந்தாமரை மலர் கொண்டு அர்ச்சனை செய்யுங்கள். தடைகள் அகன்று வெற்றிகள் வந்து சேரும்.

**********************************************************************************************

ரோகிணி -
மன இறுக்கங்களும் அழுத்தங்களும் கூடும். தேவையற்ற சிந்தனைகள் வரும். இதையெல்லாம் தாண்டி மனதில் ஒரு வைராக்கியம் பிறக்கும். அலைச்சல்கள் அதிகரிக்கும். ஓரளவுக்கு ஆதாயம் இருக்கும். கடன் கொடுத்தவர்கள் நெருக்கடி தருவார்கள். சொத்துக்களை விற்க முற்படுவீர்கள். ஆரோக்கிய அச்சுறுத்தல் இருந்து கொண்டே இருக்கும்.
உத்தியோகம் -
வேலையில் கூடுதல் பொறுப்புகள் வழங்கப்படும். அதன் காரணமாக மன அழுத்தங்கள் அதிகரிக்கும். வேறு வேலைக்கு போகலாமா என்ற சிந்தனை தோன்றும். அரசு ஊழியர்களாக இருப்பின் இடமாற்றங்கள் ஏற்படும். யாரோ செய்த தவறுக்காக உங்களுக்கு நெருக்கடிகள் உண்டாகும். விற்பனைப் பிரதிநிதிகள், கடைகளில் வேலை செய்பவர்கள், சிறு நிறுவனங்களில் வேலை செய்பவர்கள் அனைவருக்கும் பொதுவாகவே வேலைச்சுமை அதிகமாகும். எவ்வளவு நேர்த்தியாக செய்தாலும் நல்ல பெயர் கிடைப்பதில் சிரமம் இருக்கும்.
தொழில் -

தொழிலில் வளர்ச்சி இருக்கும். அதேசமயம் கடன் நெருக்கடிகளும் அதிகமாகும். எதிர்பார்த்த வங்கிக் கடன் எதிர்பார்த்த தொகையைவிட குறைவாகக் கிடைக்கும். இப்போதைக்கு தொழிலில் பெரிய முதலீடுகள் செய்ய வேண்டாம். மொத்த வியாபாரிகள் வணிகர்கள் வியாபாரம் மந்தநிலை காரணமாக கவலைப்பட வேண்டியது வரும்.
பெண்களுக்கு -

கணவரிடம் கருத்து வேறுபாடுகள் தோன்றும். மனவருத்தங்கள் ஏற்படும். வேலை செய்பவர்களாக இருந்தால் பணியிடத்தில் தேவையற்ற சர்ச்சைகள் உருவாகும். அமைதி காப்பது நல்லது.

மாணவர்களுக்கு -

கல்வியில் தடை ஏற்படும். ஆர்வம் குறையும். விரக்தி மனப்பான்மை உண்டாகும். கவனமாக இருக்க வேண்டும்.
கலைஞர்களுக்கு -

நல்ல ஒப்பந்தமொன்று கடைசி நேரத்தில் தள்ளிப்போகும். நண்பர் ஒருவரின் உதவியால் பண உதவி கிடைக்கும். சிரமங்கள் இருந்தாலும் பாதிப்புகள் ஏற்படாது.
பொதுப்பலன் -

இந்தவாரம் கிரக சூழ்நிலைகள் சாதகமாக இல்லாத காரணத்தால் கடினமாகவே செல்லும். அமைதி காப்பதும், வீண் விவாதங்களில் ஈடுபடாமல் இருப்பதும் நல்லது. உங்கள் கருத்து மட்டுமே சரி என பிடிவாதமாக இருக்க வேண்டாம்.

இந்த வாரம் -
திங்கள் - மனக் கவலைகளும் குழப்பங்களும் சேரும். புதிய சிந்தனை ஒன்று உருவாகும்.
செவ்வாய் - தனவரவு இருக்கும். எதிர்பார்த்த பணம் கைக்கு வந்து சேரும். வங்கிக் கடன் கிடைப்பதற்கான சூழ்நிலைகள் உருவாகும்.
புதன் -மன இறுக்கம் அதிகமாகும், பயணங்களை தவிர்ப்பது நல்லது. கவனச்சிதறல் உண்டாகும். கைப்பொருள் தொலையும். கவனமும் எச்சரிக்கை உணர்வும் இருக்க வேண்டும்.
வியாழன் -வருமானம் கிடைக்கும். ஆதாயங்கள் உண்டாகும். வியாபாரம் விருத்தியாகும். வியாபார பேச்சுவார்த்தைகள் நல்ல முடிவுக்கு வரும்.
வெள்ளி - பிறருக்கு உதவி செய்வீர்கள். நீங்கள் செய்யும் செயல்களால் மற்றவர்களுக்கு மகிழ்ச்சியும். லாபமும் உண்டாகும்.
சனி -எடுத்த முயற்சிகளெல்லாம் வெற்றிப் பாதைக்கு செல்லும். வங்கிக் கடன் கிடைப்பதற்கான வாய்ப்புகள் உண்டு. ஆரோக்கியத்தில் இருந்த பாதிப்புகள் விலகும். ஒரு பெரிய பிரச்சினை ஒன்று முடிவுக்கு வரும்.
ஞாயிறு - அதிக நன்மைகள் ஏற்படும். நண்பர்களால் உதவிகள் கிடைக்கும். பயணங்களால் ஆதாயம் உண்டு.
வணங்க வேண்டிய தெய்வம் - வேம்பு அரசு இணைந்திருக்கும் மரத்தடி விநாயகருக்குள் அபிஷேக ஆராதனை செய்யுங்கள். பிரச்சினைகள் விலகும். செயல்களில் வெற்றி உண்டாகும்.
****************************************************
மிருகசீரிடம் -
பிரச்சினைகள் எவ்வளவு வந்தாலும் முடிந்தவரை போராடுவீர்கள். தோல்வியே ஏற்பட்டாலும் கவலையே படாமல் மீண்டும் முயற்சி செய்வீர்கள். இந்த வாரம் முழுவதும் முயற்சிகளாலும் அந்த முயற்சியின் காரணமாக ஒரு சில உதவிகளும் கிடைக்கும். பணத்தேவைகள் கடைசி நேரத்தில் பூர்த்தியாகும்.
உத்தியோகம் -

வேலையில் அழுத்தங்கள் உருவாகும். வேறு நிறுவனத்திற்கு மாற முயற்சி செய்வீர்கள். அந்த முயற்சி வெற்றி அடையும். அதற்கான சாதகமான சூழ்நிலை உருவாகும். வணிக நிறுவனங்களில் பணிபுரிபவர்கள் பொருட்களைக் கையாளும் போது கவனமாக இருக்க வேண்டும். சிகை அலங்காரப் பணியாளர்கள் கருவிகளைப் பயன்படுத்தும் போது கவனமாக இருக்க வேண்டும்.
தொழில் -

தொழிலில் சிறிது சிறிதாக முன்னேற்றம் தென்படும். உதவிகள் கிடைக்கும். அரசுகளின் நிர்ப்பந்தங்கள் விலகும். வழக்குகள் தள்ளிப்போகும். புதிய நபர் ஒருவரால் தொழில் ஒப்பந்தங்கள் ஏற்படும். அது பெண்ணாக இருக்க வாய்ப்பு உண்டு. புதிதாகத் தொழில் தொடங்குவோர் சற்று பொறுமையாக இருக்க வேண்டும். அவசரப்பட்டு அரைகுறையாக தொழிலை தொடங்க வேண்டாம். வியாபாரிகள் சராசரியான வளர்ச்சியைக் காண்பார்கள்.
பெண்களுக்கு -

ஒரு சில பிரச்சினைகள் தீரும். சொத்து வழியில் பங்கு கிடைக்கும். அதன் மீது கடன் வாங்கும் முயற்சி வெற்றி பெறும். வேலையில் இருக்கும் பெண்களுக்கு இடமாற்றம் ஏற்படும். பணியில் கவனமாக இருக்க வேண்டும். இல்லாவிட்டால் வீண்பழி வரும்.
மாணவர்களுக்கு -

கல்வியில் கவனச்சிதறல் ஏற்படும். தேர்வுகளில் மறதி உண்டாகும். கூடுதல் கவனம் செலுத்துங்கள்.
கலைஞர்களுக்கு -ஒப்பந்தங்கள் உண்டாகும். பணம் சம்பந்தமான பிரச்சினைகள் தாமதமாகும். அயல்நாடு செல்லும் வாய்ப்பு ஏற்படும். நண்பர்களால் உதவி கிடைக்கும்.
பொதுப் பலன் -

இந்த வாரம் கிரக நிலைகள் சாதகமாக இல்லை. நெருக்கடியான சூழ்நிலைகளை உருவாக்கும். உங்கள் விடாமுயற்சியால் அதைக் கடந்து வருவீர்கள்.

இந்த வாரம் -
திங்கள் - நண்பர்களால் உதவிகள் கிடைக்கும் பல்வேறு விதமான வாய்ப்புகள் கிடைக்கும். உடல் நலம் சீராகும்.
செவ்வாய் - சம்பந்தம் இல்லாத ஒரு பிரச்சினையை மனதில் போட்டு குழப்பிக் கொள்வீர்கள். தேவையற்ற சிந்தனைகள் உருவாகும்.
புதன் - எதிர்பார்த்த பணம் கிடைக்கும். அடகு வைத்த சொத்தை மீட்க வழி கிடைக்கும்
வியாழன் - பயணங்களைத் தவிர்ப்பது நல்லது. வாகனங்களை ஓட்டிச் செல்லும் பொழுது சாலை விதிகளை கவனமாக கடைபிடியுங்கள். வீண் வாக்குவாதங்களில் ஈடுபட வேண்டாம். உங்கள் கருத்தே சரி என்ற பிடிவாதத்தை கைவிடுங்கள்.
வெள்ளி - நிலம் பூமியால் ஆதாயம் ஏற்படும். தரகு தொழில் வெற்றிகரமாக முடியும். ஆரோக்கியம் மேம்படும். அச்சம் ஏற்படுத்திய நோய் பயம் இல்லாமல் போகும்.
சனி- உங்கள் நண்பர்களுக்கு உதவி செய்வீர்கள். வேலைக்கு பரிந்துரை செய்வீர்கள். நீங்கள் முடித்துத் தரும் வேலையால் மற்றவர்கள் மகிழ்ச்சி அடைவார்கள்.
ஞாயிறு - வெளிநாட்டில் இருந்து ஒரு நண்பரின் உதவி கிடைக்கும். குடும்பத்தினர் ஒன்று சேர்ந்து உங்களுக்கு பெரிய உதவி ஒன்றைச் செய்வார்கள்.
வணங்கவேண்டிய தெய்வம் - தட்சிணாமூர்த்தி குரு பகவானுக்கு மஞ்சள் நிற வஸ்திரம் சாத்தி மூன்று நெய்தீபம் ஏற்றுங்கள். நன்மைகள் நடக்கும், தடைகள் அகலும். தன்னம்பிக்கை பிறக்கும்.