இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் நிலவி வந்த காரசாரமான விவாதங்கள் மறையும். பிள்ளைகளின் சாதனைகளால் பெருமையடைவீர். வியாபாரத்தில் ஏற்றம் காண்பீர். உத்தியோகத்தில் உயரதிகாரி நேசக்கரம் நீட்டுவார்.

ரிஷபம்: புதியவர்கள் நண்பர்களாவர். பணவரவு திருப்தி தரும். கொடுக்கல்-வாங்கலில் சுமுகமான நிலை காணப்படும். உத்தியோகம் சிறக்கும். வியாபாரத்தில் புது வாடிக்கையாளர்களால் சரக்குகள் விற்றுத் தீரும்.

மிதுனம்: மகளின் திருமணம் தொடர்பாக அலைச்சல் இருக்கும். வியாபாரத்தில் நிதானம் தேவை. புதிய பங்குதாரர்களின் ஆலோசனையைக் கேட்டு நடக்கவும். அலுவலகத்தில் வீண் விவாதங்களை தவிர்க்கவும்.

கடகம்: கேட்ட இடத்தில் பணம் கிடைக்கும். குழப்பம் நீங்கி தெளிவு பிறக்கும். தள்ளிப் போன விஷயங்கள் உடனே முடியும். தொழிலில் போட்டிகள் குறையும். அலுவலகத்தில் தேடிய முக்கிய ஆவணம் தென்படும்.

சிம்மம்: வெளிவட்டாரத்தில் புதியவர்களின் நட்பு கிடைக்கும். தள்ளிப் போன வழக்கில் சாதகமான தீர்ப்பு வரும். அரசு காரியங்கள் விரைந்து முடியும். புதியவர்கள் அறிமுகமாவர். வியாபாரம், உத்தியோகம் சிறக்கும்.

கன்னி: பழைய பிரச்சினைக்கு புது தீர்வு கிடைக்கும். அதிகாரப் பதவியில் இருப்பவரின் அறிமுகம் கிட்டும். வெளியூரிலிருந்து நற்செய்தி வரும். வியாபாரத்தை விரிவுபடுத்துவீர். உத்தியோகத்தில் ஏற்றம் காண்பீர்.

துலாம்: உடன்பிறந்தவர்கள் உங்கள் வேலைகளை பகிர்ந்து கொள்வர். விருந்தினர் வருகை உண்டு. வியாபாரரீதியாக அதிகாரப் பதவியில் இருப்பவர்களை சந்திப்பீர். உத்தியோகத்தில் மேலதிகாரி பாராட்டுவார்.

விருச்சிகம்: மனப் போராட்டம் ஓயும். சமயோஜிதமான பேச்சால் தடைபட்ட வேலைகளை முடிப்பீர். பணப் பற்றாக்குறை நீங்கும். குடும்பத்தில் மகிழ்ச்சி பொங்கும். வியாபாரப் போட்டி குறையும். உத்தியோகம் சிறக்கும்.

தனுசு: குடும்பத்தில் வீண் விவாதங்கள் வந்து போகும். தாயாரின் உடல்நிலை சீராகும். பயணங்கள் அலைச்சல் தரும். வியாபாரத்தில் அவசர முடிவு எடுக்க வேண்டாம். அலுவலகத்தில் அனைவரையும் அனுசரித்து நடக்கவும்.

மகரம்: பழைய கடனை நினைத்து வருந்த வேண்டாம். புதுவழி பிறக்கும். மின் சாதனங்களை மாற்றியமைக்கும் முயற்சியில் இறங்குவீர். அலுவலகத்தில் அமைதி காக்கவும். வியாபாரத்தில் பங்குதாரர்களின் ஆதரவுண்டு.

கும்பம்: தொட்டது அனைத்தும் துலங்கும். தடைகள் நீங்கும். இழுபறியாக இருந்த வேலை முடிவடையும். அரசு சம்பந்தப்பட்ட காரியங்களும் உடனடியாக நிறைவேறும். வியாபாரம், உத்தியோகம் சிறக்கும்.

மீனம்: பழைய பிரச்சினைக்கு தீர்வுண்டு. குடும்பத்தில் உங்கள் பேச்சுக்கு மதிப்பு கூடும். பிள்ளைகளால் பெருமையடைவீர். வியாபாரத்தில் பாக்கி வசூலாகும். உத்தியோகரீதியாக முக்கிய பிரமுகர்களை சந்திப்பீர்.