மேஷம் முதல் மீனம் வரை: இன்றைய ராசிபலன் @ 26 அக்டோபர் 2025

மேஷம் : எண்ணங்கள் ஈடேறும். குடும்பத்தில் இழந்த செல்வாக்கை மீண்டும் பெறுவீர். எதிர்பார்த்த தொகை கைக்கு வரும். பெரிய மனிதர்களின் நட்பு கிடைக்கும். அலுவலகத்தில் பணிச்சுமை குறையும். புதிய யுக்திகளை வியாபாரத்தில் கையாண்டு அனைவரையும் கவருவீர்.

ரிஷபம் : திட்டமிடாத செலவுகளும், பயணங்களும் வரக்கூடும். குடும்பத்தினர் அனுசரணையாக இருப்பர். வியாபாரத்தில் பணியாட்களிடம் கடுமையாக நடந்து கொள்ள வேண்டாம். அலுவலகத்தில் சக ஊழியர்கள் மத்தியில் மதிப்பு உயரும். மேலதிகாரி பாராட்டுவார்.

மிதுனம் : பழைய உறவினர், நண்பர்களை சந்திப்பீர்கள். பிள்ளைகள் மனம் விட்டுப் பேசுவர். பண விஷயத்தில் கறாராக இருப்பீர்கள். அலுவலகத்தில் சக ஊழியர்களின் ஒத்துழைப்பு கிட்டும். வியாபாரத்தை பெரிய அளவில் விரிவுபடுத்தும் முயற்சிகளை மேற்கொண்டு சாதிப்பீர்.

கடகம் : வீட்டிலுள்ளவர்களின் உணர்வுகளைப் புரிந்து கொண்டு அதற்கேற்ப உங்களை மாற்றிக் கொள்வீர்கள். பழைய வழக்குகளை பேசித் தீர்ப்பீர்கள். பணவரவால் நிம்மதியுண்டு. கடன்களை பைசல் செய்வீர். வியாபாரம் சூடு பிடிக்கும். அலுவலகத்தில் அமைதி காக்கவும்.

சிம்மம் : வெளியூரிலிருந்து நல்ல செய்திகள் வரும். குடும்ப உறுப்பினர்களின் விருப்பங்களை கேட்டறிந்து நிறைவேற்றுவீர். வாகனத்தை மாற்றுவீர்கள். அக்கம் பக்கத்தினரை அனுசரித்து நடக்கவும். அலுவலக ரீதியாக வெளியூர் பயணம் மேற்கொள்வீர். வியாபாரம் சிறக்கும்.

கன்னி : தொட்டது துலங்கும். குழப்பம் நீங்கி தெளிவு பிறக்கும். அனுபவப்பூர்வமாக பேசுவீர்கள். பழைய கடனை பைசல் செய்ய புது வழி பிறக்கும். சகோதர சகோதரிகள் உங்கள் வார்த்தைக்கு மதிப்பளிப்பார்கள். வியாபாரம், உத்தியோகத்தில் முன்னேற்றம் காண்பீர்.

துலாம் : தடைபட்டுக் கொண்டிருந்த பணிகள் நல்ல விதத்தில் முடிவடையும். பழைய பிரச்சினைகளுக்கு மாறுபட்ட அணுகுமுறையால் நல்ல தீர்வு காண்பீர்கள். வியாபாரரீதியாக முக்கிய பிரமுகர்களை சந்திப்பீர்கள். அலுவலகத்தில் விவாதங்களை தவிர்ப்பது நல்லது.

விருச்சிகம் : மனக் குழப்பத்தை நீக்க முயற்சிக்கவும். குடும்பத்தில் விட்டுக் கொடுத்து போவது நல்லது. அலுவலகத்தில் தான் உண்டு தன் வேலை உண்டு என்று இருக்க பழகிக் கொள்ளவும். வியாபாரத்தில் பழைய பாக்கிகளை வசூலிப்பதில் கவனமாக இருக்கவும்.

தனுசு : எதிலும் முன்யோசனையுடன் செயல்படவும். குடும்ப உறுப்பினர்களுடன் வாக்குவாதத்தை தவிர்க்கவும். வரவுக்கு மிஞ்சிய செலவுகள் இருக்கும். அலுவலகத்தில் பணியாட்களிடம் கோபத்தை காட்டாதீர். வியாபாரம் சூடு பிடித்து லாபம் பார்க்கலாம். பங்குதாரர்கள் ஆதரிப்பர்.

மகரம் : கடந்த கால சுகமான அனுபவங்களை நினைத்து மகிழ்வீர்கள். விவாதங்களை தவிர்ப்பீர். எதிலும் உங்கள் கை ஓங்கும். வியாபார ரீதியாக முக்கிய பிரமுகர்களை சந்திப்பீர். புதிய பங்குதாரர்களின் ஆலோசனைகளை நிராகரிக்க வேண்டாம். அலுவலகத்தில் மதிப்பு உயரும்.

கும்பம் : பிள்ளைகளின் சாதனைகளால் மகிழ்ச்சியும், உறவினர்களால் ஆதாயமும் உண்டாகும். நீண்டநாள் கனவுகள் நனவாகும். விலை உயர்ந்த நவீன மின்னணு, மின்சார சாதனங்கள் வாங்குவீர். அலுவலகத்தில் புதிய பதவிக்கு பரிந்துரைக்கப்படுவீர். வியாபாரம் சிறக்கும்.

மீனம் : மகிழ்ச்சியுடன் காணப்படுவீர்கள். பணவரவு திருப்தி தரும்.அக்கம் பக்கத்தினரின் அன்புத் தொல்லை நீங்கும். முக்கிய பிரமுகர்களின் ஆதரவுடன் வீடு கட்டும் பணிகள் நிறைவடையும். வியாபாரம் சூடு பிடிக்கும். அலுவலகத்தில் மேலதிகாரியின் பாராட்டை பெறுவீர்.