மேஷம் முதல் மீனம் வரை: இன்றைய ராசிபலன் @ 19 அக்டோபர் 2025

மேஷம்: தடைகள் உடைபடும். மனக்குழப்பம் நீங்கி தெளிவு பிறக்கும். குடும்ப உறுப்பினர்களின் ஆதரவு கிட்டும். தாயாரின் உடல்நலம் சீராகும். வியாபாரத்தில் பழைய சரக்குகள் விற்றுத் தீரும். உத்தியோக ரீதியாக பயணம் மேற்கொள்வீர். மேலதிகாரி பாராட்டுவார்.

ரிஷபம்: எல்லா வகையிலும் வெற்றி கிடைக்கும். எதிரிகள் கனிவாக பேசி சமாதானத்துக்கு வருவார்கள். குடும்பத்தில் சந்தோஷம் நிலைக்கும். நல்ல செய்திகள் வந்து சேரும். வாகனப் பழுது நீங்கும். வியாபாரம் சிறக்கும். அலுவலகத்தில் சக ஊழியர்கள் மதிப்பார்கள்.

மிதுனம்: பால்ய நண்பர்கள் ஆதரவாக இருப்பார்கள். உறவினர்களால் செலவு இருக்கும். பழைய கடனைப் பற்றி அவ்வப்போது யோசிப்பீர்கள். வியாபாரத்தில் போட்டி குறையும். பங்குதாரர்களின் ஆலோசனையை கேட்டு நடக்கவும். அலுவலகத்தில் விவாதம் தவிர்ப்பீர்.

கடகம்: தள்ளிப் போன விஷயங்கள் உடனே முடியும். வீடு, மனை வாங்குவதற்கு முன்பணம் தருவீர்கள். நீண்ட நாட்களாக இருந்து வந்த சொத்து பிரச்சினை, வழக்குகள் முடிவுக்கு வரும். வியாபாரம் லாபம் தரும். அலுவலக ரீதியாக முக்கிய பிரமுகர்களை சந்திப்பீர்.

சிம்மம்: பணவரவு உண்டு. தம்பதிக்குள் நெருக்கம் கூடும். குடும்ப உறுப்பினர்களுடன் குலதெய்வம் கோயிலுக்கு சென்று வருவீர். வியாபாரத்தில் புதிய யுக்திகளைக் கையாண்டு வாடிக்கையாளர்களைக் கவருவீர். அலுவலக ரீதியான பயணம் ஆதாயம் தரும்.

கன்னி: அக்கம் பக்கத்தினரை அனுசரித்து நடந்து கொள்ளவும். வாகனத்தை மாற்றுவீர். வியாபாரத்தில் போட்டி இருக்கும். பங்குதாரர்களின் ஆலோசனைகளை கேட்டு எதிலும் கவனமாக செயல்படுவது நல்லது. அலுவலகத்தில் சக ஊழியர் மத்தியில் மதிப்பு உயரும்.

துலாம்: பிள்ளைகளுக்காக சேமிக்கத் தொடங்குவீர்கள். வீடு, மனை வாங்குவதற்கான முயற்சியில் இறங்குவீர். பிரபலமானவர்களை சந்திப்பீர். வியாபாரத்தில் புதிய யுக்திகளை கையாளுவீர்கள். அலுவலகத்தில் தேடிய ஆவணம் தென்படும். விவாதங்களை தவிர்த்துவிடவும்.

விருச்சிகம்: நல்ல அந்தஸ்தில் இருப்பவர்களின் நட்பு கிட்டும். தம்பதிக்குள் இருந்த ஈகோ பிரச்சினை தீரும். வியாபாரத்தில் லாபத்தை பெருக்க வழி கிடைக்கும். கடையை வேறு இடத்துக்கு மாற்றுவீர். அலுவலகத்தில் யாரையும் பகைத்துக் கொள்ளாமல் இருப்பது நல்லது.

தனுசு: சோர்வு நீங்கி சுறுசுறுப்பாக செயல்படுவீர்கள். குடும்பத்தில் இருந்த சலசலப்புகள் நீங்கி கனிவான பேச்சுவார்த்தைகள் இருக்கும். அலுவலகத்தில் தான் உண்டு தன் வேலை உண்டு என்று இருக்க பழகிக் கொள்ளவும். வியாபாரத்தை விரிவுபடுத்த முயற்சிப்பீர்.

மகரம்: புதிய முயற்சிகள் வெற்றியடையும். குழப்பம் நீங்கி இல்லத்தில் சந்தோஷம் நிலைக்கும். முன்கோபம் குறையும். உறவினர், நண்பர்கள் மத்தியில் மதிப்புயரும். முக்கிய பிரமுகர்கள் அறிமுகமாவர். வியாபாரம் சூடு பிடிக்கும். அலுவலகத்தில் மேலதிகாரி பாராட்டுவார்.

கும்பம்: மனஇறுக்கம், குழப்பங்கள் வரக்கூடும். யோகா, ஆன்மிகத்தில் ஈடுபாடுகூடும். பேச்சில் நிதானம் தேவை. வியாபாரத்தை பெரியளவில் விரிவுபடுத்த முயற்சிப்பீர். அலுவலகத்தில் புதிய பதவிக்கு பரிந்துரைக்கப் படுவீர். தலைமையிடத்தின் ஆதரவைப் பெற்று முன்னேறுவீர்.

மீனம்: எதிர்பார்த்த பணம் கைக்கு வரும். குடும்பத்தில் நிம்மதி பிறக்கும். பிரபலங்கள் அறிமுகமாவர். சொன்ன சொல்லை காப்பாற்ற போராடுவீர். அலுவலகத்தில் யாரைப் பற்றியும் புகார் கூறாதீர். வியாபாரத்தில் லாபம் உண்டு. பங்குதாரர்களின் ஆலோசனையை கேட்கவும்.