மேஷம் முதல் மீனம் வரை: இன்றைய ராசிபலன் @ 17 அக்டோபர் 2025

மேஷம்: அதிகாரப் பதவியில் இருப்பவர்களின் நட்பு கிடைக்கும். வீடு கட்ட பிளான் அப்ரூவலாகி வரும். வியாபாரத்தில் பங்குதாரர்களின் ஆலோசனைகளைக் கேட்டு நடந்து கொள்ளவும். அலுவலகத்தில் இருந்து வந்த பிரச்சினைகளுக்கு நல்லவிதமாக தீர்வு கிட்டும்.

ரிஷபம்: பிள்ளைகள் படிப்பு தொடர்பாக அலைச்சல், இருக்கும். பிரபலங்களின் வீட்டு விசேஷங்களில் பங்கேற்பீர். பிள்ளைகளால் சமூக அந்தஸ்து உயரும். கூட்டுத்தொழிலில் இருந்து வந்த குழப்பங்கள் நீங்கும். அலுவலகரீதியாக வெளியூர் பயணம் மேற்கொள்வீர்.

மிதுனம்: உங்களின் இலக்கை நோக்கி முன்னேறுவீர். தம்பதிக்குள் நெருக்கம் அதிகரிக்கும். வியாபாரத்தில் பணியாட்கள் அனுசரணையாக நடந்து கொள்வார்கள். அலுவலகத்தில் தேடிய முக்கிய ஆவணம் தென்படும். மேலதிகாரிகளின் ஆதரவைப் பெற போராடுவீர்கள்.

கடகம்: பழுதடைந்த மின்னணு, மின்சார சாதனங்களை மாற்றுவீர். பிரச்சினைகளை எதிர்கொண்டு சமாளிக்கும் மன வலிமை கூடும். தாய் வழி உறவினர்களால் நிம்மதி கிட்டும். வியாபாரத்தை விரிவுபடுத்தும் முயற்சியில் இறங்குவீர். அலுவலகத்தில் அமைதி காப்பது நல்லது.

சிம்மம்: பிள்ளைகளின் உடல்நலத்தில் கவனம் தேவை. அக்கம் பக்கத்தினரை அனுசரித்து நடந்து கொள்ளவும். அடிக்கடி தொல்லை தந்த வாகனத்தை மாற்றுவீர்கள். வியாபாரத்தில் சிக்கல்கள் வரக்கூடும். அலுவலகத்தில் தான் உண்டு தன் வேலை உண்டு என்று இருக்கவும்.

கன்னி: எதையும் சாதித்துவிடலாம் என்ற எண்ணம் வரும். மாணவர்கள் படிப்பில் ஆர்வம் காட்டுவார்கள். பிரபலங்களின் அறிமுகம் கிட்டும். கூட்டுத் தொழிலில் பங்குதாரர்களின் ஆதரவு உண்டு. அலுவலகரீதியாக வெளியூர் பயணங்கள் மேற்கொள்ள வேண்டிவரும்.

துலாம்: எதிர்ப்புகளை தகர்த்தெறிவீர். பணவரவுண்டு. முக்கிய பிரமுகர்கள் அறிமுகமாவர். பிள்ளைகளின் விருப்பங்களை பூர்த்தி செய்வீர். வியாபாரத்தில் பாக்கி வசூலாகும். புதிய பங்குதாரர்களின் ஆதரவு கிடைக்கும். அலுவலகத்தில் விவாதங்களை தவிர்ப்பது நல்லது.

விருச்சிகம்: குழப்பம் நீங்கி குடும்பத்தில் சந்தோஷம் தங்கும். விருந்தினர் வருகை உண்டு. திட்டமிட்டபடி செயல்படுவீர். மாணவர்களின் கவனம் படிப்பில் திரும்பும். வங்கிக் கடனுதவி கிட்டும். தொழிலதிபர்கள் அறிமுகமாவர். அலுவலகத்தில் அமைதி காக்கவும்.

தனுசு: நெருக்கமானவர்களின் பிரச்சினைகளை தீர்த்து வைக்க முற்படுவீர். விருந்தினர்களின் வருகையால் திடீர் செலவுகள் இருந்தாலும் மகிழ்ச்சி உண்டு. முன்கோபம் விலகும். வியாபாரத்தை பெரியளவில் விரிவுபடுத்த முயற்சிப்பீர். அலுவலகத்தில் சக ஊழியர்கள் மதிப்பர்.

மகரம்: தேவையற்ற விஷயங்களை மனதில் நினைத்து குழம்பிக் கொண்டிருக்காதீர். குடும்பத்தில் சலசலப்புகள் வந்து நீங்கும். வாகனத்தில் கவனம் தேவை. வியாபாரம் சூடு பிடித்து நல்ல லாபம் கிட்டும். பங்குதாரர்களை அனுசரித்து நடந்து கொள்ளவும். உத்தியோகம் சிறக்கும்.

கும்பம்: சுப நிகழ்ச்சிகள், பொது விழாக்களில் முதல் மரியாதை கிடைக்கும். புதிய யோசனைகள் பிறக்கும். பணவரவால் கடன்கள் தீரும். தம்பதிக்குள் நெருக்கம் கூடும். வியாபாரத்தில் போட்டிகளை வெற்றிகரமாக சமாளிப்பீர். அலுவலகத்தில் புதிய பதவி கிடைக்கும்.

மீனம்: பணவரவு திருப்தி தரும். மனைவிவழியில் ஆதாயம் உண்டு. குலதெய்வம் கோயில் விசேஷங்களை முன்னின்று நடத்துவீர். தடைபட்ட பணிகள் முடிவுக்கு வரும். வியாபாரத்தில் எதிலும் கவனமாக இருக்கவும். அலுவலகத்தில் மேலதிகாரிக்கு ஆதரவாக இருப்பீர்.